ໜ່ວຍແມ່ຍິງພະແນກໄປສະນີ, ໂທລະຄົມມະນາຄົມແລະການສື່ສານແຂວງຫົວພັນສຳເລັດກອງປະຊຸມໃຫຍ່ຄັ້ງທີ I

ພຸດ ພີມທະສອນ

ວັນທີ່ 24 ກັນຍາ 2019 ນີ້, ໜ່ວຍແມ່ຍິງພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງໄດ້ເປີດກອງປະຊຸມໃຫຍ່ຄັ້ງທີ່ I ຂັ້ນຂອງຕົນຂື້ນ ທີ່ຫ້ອງປະຊຸມພະແນກ, ເປັນກຽດເຂົ້າຮ່ວມພິທີໂດຍທ່ານນາງ ໝັ້ນ ເພັງຄະຕິຍະ ປະທານສະຫະພັນແມ່ຍິງແຂວງ, ມີບັນດາທ່ານແຂກຖຶກເຊີນຈາກພາກສ່ວນກ່ຽວຂ້ອງ ພ້ອມດ້ວຍສະມາຊິກແມ່ຍິງພາຍໃນໜ່ວຍເຂົ້າຮ່ວມ 21 ທ່ານ, ຊາຍ 4 ທ່ານ.

      

   ກອງປະຊຸມຜູ້ເຂົ້າຮ່ວມຍັງໄດ້ຮັບຟັງ ສະຫາຍ ນາງ ມີລາວັນ ພົມມະເທບ ຫົວໜ້າໜ່ວຍແມ່ຍິງ ພະແນກໄປສະນີ, ໂທລະຄົມມະນາຄົມ ແລະ ການສື່ສານແຂວງ ຜ່ານບົດລາຍງານການເມືອງສະຫຼຸບຕິລາຄາສະພາບລວມການຊີ້ນຳນຳພາໃນໄລຍະຜ່ານມາ ແລະ ທິດທາງແຜນການສູ້ຊົນ ເຊີ່ງໄດ້ຍົກໃຫ້ເຫັນຜົນງານດ້ານດີຫຼາຍດ້ານ ແລະ ດ້ານອ່ອນຄົງຄ້າງທີ່ຕ້ອງປັບປຸງແກ້ໄຂ,  ຜູ້ເຂົ້າຮ່ວມຍັງໄດ້ປະກອບຄຳຄິດຄຳເຫັນໃສ່ບົດລາຍງານການເມືອງ ແລະ ທິດທາງແຜນການສູ້ຊົນຕໍ່ໜ້າ, ໃນນັ້ນກອງປະຊຸມຄະນະໜ່ວຍແມ່ຍິງ ພະແນກ ດັ່ງກ່າວກໍ່ໄດ້ອຳລາໜ້າທີ່ພ້ອມກັນນັ້ນຜູ້ຕາງໜ້າສະຫະພັນແມ່ຍິງແຂວງໄດ້ຜ່ານມະຕິມາດຖານຜູ້ສະໝັກ ແລະ ສະມາຊິກໜ່ວຍແມ່ຍິງ ພະແນກ ພະແນກໄປສະນີ, ໂທລະຄົມມະນາຄົມ ແລະ ການສື່ສານ ກໍ່ໄດ້ໃຊ້ສິດປະຊາທິປະໄຕປ່ອນບັດເອົາຄະນະໜ່ວຍແມ່ຍິງຊຸດໃໝ່ຄື: ສະຫາຍ ນາງ ສຸກ ຈັນທຳມີ ເປັນຫົວໜ້າໜ່ວຍແມ່ຍິງ, ສະຫາຍ ນາງ ນວນຕາວັນ ແພງມີໄຊເປັນຮອງຫົວໜ້າໜ່ວຍພ້ອມທັງເປັນປະທານກວດກາ, ສະຫາຍ ນາງ ແອ ພົມວິໄຊ ເປັນຮອງຫົວໜ້າໜ່ວຍ ແລະ ສະຫາຍ ນາງ ແສງວັນ ໄຊຍະສິມ ເປັນຮອງປະທານກວດກາ. ພ້ອມນັ້ນຄະນະຊຸດໃໝ່ຍັງໄດ້ຮັບປະຊາມະຕິ ແລະ ຈະຕັ້ງໜ້າປະຕິບັດວຽກງານໃຫ້ປະສົບຜົນສຳເລັດທີ່ສະມາຊິກແມ່ຍິງພາຍໃນໃຫ້ຄວາມໄວ້ວາງໃຈ.

ໃນທ້າຍກອງປະຊຸມຍັງໄດ້ຮັບຟັງການໂອ້ລົມຂອງທ່ານນາງ ໝັ້ນ ເພັງຄະຕິຍະ ປະທານສະຫະພັນແມ່ຍິງແຂວງກ່ອນອື່ນ ສະຫາຍໄດ້ຍ້ອງຍໍຊົມເຊີຍຜົນງານທີ່ຍາດມາໄດ້ໃນໄລຍະ 5 ປີຜ່ານມາ ແລະ ໄດ້ເນັ້ນໃຫ້ສຶບຕໍ່ສຶກສາອົບຮົມດ້ານການເມືອງ-ແນວຄິດ, ຄວາມສາມັກຄີ ພາຍໃນ-ພາຍນອກໃຫ້ໜັກແໜ້ນ ແລະ ສຸມໃສ່ການສ້າງເສດຖະກິດຄອບຄົວໃຫ້ດີຂຶ້ນ. ສະຫະພັນແມ່ຍິງແຂວງຍັງໄດ້ມອບໃບຍ້ອງຍໍ ຜົນງານດີເດັ່ນໃນການຈັດຕັ້ງເຄື່ອນໄຫວວຽກງານຮອບດ້ານໃນໄລຍະ 5 ປີ ຜ່ານມາ ນັບແຕ່ 2013-2018 ໃຫ້ໜ່ວຍແມ່ຍິງພະແນກ ແລະ ມອບໃບຍ້ອງຍໍ, ໃບບຊົມເຊີຍ ໃຫ້ຜູ້ທີມີຜົນງານດີເດັ່ນໃນການຈັດຕັ້ງເຄື່ອນໄຫວວຽກງານຮອບດ້ານໃນໄລຍະ 5 ປີອີກດ້ວຍ.

 

Next Post

ກໍາມະບານຮາກຖານພະແນກໄປສະນີ, ໂທລະຄົມມະນາຄົມແລະການສື່ສານແຂວງຫົວພັນສຳເລັດກອງປະຊຸມໃຫຍ່ຄັ້ງທີ I

ວັນທີ່ 4 ຕຸລາ 2019 ນີ້, ກໍາມະບານຮາກຖານພະແນກໄປສະນີ, […]

Subscribe US Now