- ພະແນກ ປທສ ພ້ອມດ້ວຍບັນດາບໍລິສັດທີ່ໃຫ້ບໍລິການໂທລະຄົມ ສາຂາແຂວງຫົວພັນ ລົງມອບເຄື່ອງຕ້ານໄຟໜາວ ແລະ ຊ່ວຍເຫຼຶອປະຊາຊົນທີ່ຖຶກນໍ້າຖ້ວມ

mk1ໃນລະຫວ່າງວັນທີ 26-27 ຕຸລາ 2017 ທິມງານພະແນກ ປທສ ແຂວງຫົວພັນ ແລະ ພາກສ່ວນທີ່ກ່ຽວຂ້ອງໄດ້ສົມທົບກັບການປົກຄອງເມືອງວຽງໄຊ ແລະ ກຸ່ມບ້ານ ໂຮມທອງ ເມືອງວຽງໄຊ ນໍາທິມໂດຍທ່ານ ແສງເພັດ ບຸນມີໄຊ ຮອງຫົວໜ້າພະແນກ,  ໄດ້ລົງໄປມອບເຄື່ອງຊ່ວຍເຫຼືອດັ່ງກ່າວໃຫ້ແກ່ພໍ່ແມ່ປະຊາຊົນຜູ້ທີ່ກໍາລັງປະສົບໄພໜາວຢູ່ ບ້ານອ່າງສັງ, ບ້ານອ່າງລັງ, ບ້ານພຽງເຈ້ຍ, ບ້ານອ່າງໝອກ-ອ່າງກັວນ ແລະ ບ້ານພຽງຄາ ເມືອງວຽງໄຊ  ຈໍານວນເຄື່ອງທີ່ໄປມອບແມ່ນມີຈໍານວນ 25 ແກັດ. ວັນທີ 27 ຕຸລາ 2017 ນໍາໂດຍທ່ານ ໂອໄດ ພົງວິໄລ ຮອງຫົວໜ້າພະແນກ ປທສ ແຂວງຫົວພັນ ແລະ ພາກສ່ວນກ່ຽວຂ້ອງຂອງ ເມືອງຊໍາໃຕ້ ແລະ ກຸມບ້ານໂພນໄຊ ເມືອງຊໍາໃຕ້ ໄປມອບເຄື່ອງນຸ່ງຫົ່ມໃຫ້ແກ່ປະຊາຊົນບ້ານເມືອງເກີນ ເມືອງຊໍາໃຕ້ ທີ່ກໍາລັງກະທົບກັບໄພທໍາມະຊາດ (ໄຟນໍ້າຖ້ວມ) ໃນເດືອນ ຕຸລາ 2017 ຈໍານວນເຄື່ອງທີ່ໄປມອບມີ 20 ແກັດ.

mkການລົງໄປມອບເຄື່ອງຊ່ວຍເຫຼືອດັ່ງກ່າວທາງອໍານາດການປົກຄອງບ້ານ ແລະ ພໍ່ແມ່ປະຊາຊົນ ກຸ່ມບ້ານໂຮມທອງ ເມືອງວຽງໄຊ ແລະ ອໍານາດການປົກຄອງ ບ້ານເມືອງເກີນ ເມືອງຊໍາໃຕ້ ແມ່ນມີຄວາມປິຕິດີໃຈ ແລະ ໄດ້ສະແດງຄວາມຂອບໃຈອັນຫຼົນເຫຼືອມາຍັງທາງພະແນກ ປທສ ແຂວງ ແລະ ກະຊວງສາທາລະນະສຸກ ທີ່ໃຫ້ການຊ່ວຍເຫຼືອ ຊ່ວຍບັນເທົາຄວາມທຸກຍາກທີ່ຈໍາເປັນໃຫ້ແກ່ປະຊາຊົນ.

ພ້ອມດຽວກັນນີ້ພະແນກ ປທສ ແຂວງຫົວພັນ ຂໍຖືເປັນກຽດຕ່າງໜ້າອໍານາດການປົກຄອງ ແລະ ປະຊາຊົນບ້ານ ທີ່ໄດ້ຮັບການຊ່ວຍເຫຼືອດັ່ງກ່າວ. ຂໍສະແດງຄວາມຂອບໃຈຢ່າງສູງມາຍັງຄະນະພັກ, ຄະນະນໍາກະຊວງ ສາທາລະນະສຸກ ເວົ້າລວມ. ເວົ້າສະເພາະແມ່ນຄະນະນໍາຫ້ອງການກະຊວງ ສາທາລະນະສຸກ ທີ່ໄດ້ໃຫ້ການຊ່ວຍເຫຼືອແກ່ພະແນກ ໄປສະນີ, ໂທລະຄົມມະນາຄົມ ແລະ ການສື່ສານ ແຂວງຫົວພັນ ກໍ່ຄືພໍ່ແມ່ນປະຊາຊົນທີ່ຂັດສົນ.